Xotin-qizlar bandligini ta'minlash maqsadida bandlik maydonchasi tashkil etildi.

2022-11-04

Xotin-qizlar bandligini ta'minlashga ko'maklashish, ularni bo'sh (vakant) hamda mavsumiy ish o'rinlariga ishga joylashtirish, kasb-hunarga o'qitish,tadbirkorlik faoliyatiga jalb etish maqsadida Marg'ilon shahar Baynalminal  mfy Aholi bandligiga ko‘maklashish markazi  tashabbusi bilan Oila va xotin-qizlarni qo‘llab quvvatlash bo‘yicha xokim o‘rinbosari xamkorligida “Bandlik maydonchalari” tashkil etildi  va “Bo‘sh ish o‘rinlari mehnat yarmarkasi”  o'tkazildi. Tadbirda 4 ta ish beruvchi korxona va tashkilotlar o‘zlarining 110 ga yaqin bo'sh (vakant) ish o‘rinlari bilan ishtirok etdi.

Yarmarkaga 57 nafardan ziyod ish bilan band bo‘lmagan ayollar jalb qilinib, 10 nafariga kasb-hunarga o‘qishga yo‘llanmalar,  3 nafariga ishga joylashtirish yo‘llanmalar berildi.  O‘tkazilgan bo‘sh ish o‘rinlarida ishtirok etgan 56 nafar fuqarolarga o‘zlarini qiziqtirgan mehnatga oid masalalar bo‘yicha maslahatlar berildi.