SUBSIDIYA MABLAG'LARINI QO'LGA KIRITGAN TADBIRKOR 18 NAFAR ISHSIZ XOTIN-QIZLARNI DOIMIY ISH BILAN TAʼMINLADI.

2023-01-23

Bagʻdod tumanining "Chekmirzaobod" mahalla fuqarolar yigʻinida kasanachilik faoliyatini yoʻlga qoʻygan tadbirkor Mavjudaxon Ernazarova "Diyor-Davron Ziyo Nur" oilaviy korxonasi faoliyatini yanada rivojlantirish maqsadida, "Ayollar daftari" va "Yoshlar daftari"da roʻyxatga olingan, "Ijtimoiy himoya yagona reyestri"ga kiritilgan 18 nafar xotin-qizlar bilan mehnat shartnomasini tuzdi. Maʼlumot uchun: Bag'dod tumani Aholi bandligiga koʻmaklashish markazi tomonidan oʻtgan 2022 yilning yanvar-noyabr oylari davomida 61 nafar fuqaroga 188 mln. 400 ming soʻm mablagʻ subsidiya tariqasida ajratilib, ularning bandligi taʼminlangan. Shuningdek, 608 nafar fuqaroni kasbga oʻqitish va qayta tayyorlash maqsadida 69 mln. soʻm mablagʻ ish haqi va stipendiya sifatida toʻlab berildi.