Ёзёвон туманида хотин-қизлар бандлигини таъминлаш мақсадида "Бандлик майдончаси" ташкил этилди.

2022-11-07

Хотин-қизлар бандлигини таъминлашга кўмаклашиш, уларни бўш (вакант) ҳамда мавсумий иш ўринларига ишга жойлаштириш, касб-ҳунарга ўқитиш, тадбиркорлик фаолиятига жалб этиш мақсадида Ёзёвон тумани Беруний мфй Аҳоли бандлигига кўмаклашиш маркази  ташаббуси билан Оила ва хотин-қизларни қўллаб қувватлаш бўйича хоким ўринбосари ҳамкорлигида “Бандлик майдончалари” ташкил этилди  ва “Бўш иш ўринлари меҳнат ярмаркаси”  ўтказилди. Унда тумандаги 11 та иш берувчи корхона ва ташкилотлар ўзларининг 165 га яқин бўш (вакант) иш ўринлари билан иштирок этди. Ярмаркага 77 нафардан зиёд иш билан банд бўлмаган аёллар жалб қилиниб, 3 нафарига касб-ҳунарга ўқишга йўлланмалар,  6 нафарига ишга жойлаштириш йўлланмалар берилди. Ўтказилган бўш иш ўринларида иштирок этган 65 нафар фуқароларга ўзларини қизиқтирган меҳнатга оид масалалар бўйича маслаҳатлар берилди.