Ўзбекистон тумани Камбағалликни қисқартириш ва бандликка кўмаклашиш бўлими ҳамда туман Прокуратураси ҳамкорлигида меҳнатга лаёқатли ишсиз фуқаролар, “Aёллар ва ёшлар дафтарлари”га киритилган хотин-қизлар ва ёшларнинг бандлигини таъминлаш мақсадида “Бўш иш ўринлари меҳнат ярмаркаси" ташкил этилди.

2023-02-23

Меҳнат ярмаркаси иштирокчиларига тумандаги 112 та давлат ва хусусий корхона-ташкилотлар томонидан 440 га яқин бўш иш ўринлари таклиф этилди. Тадбирда 6 нафар фуқароларга доимий, 15 нафари эса ҳақ тўланадиган жамоат ишларига жойлашишлари учун йўлланмалар берилди. 17 нафар хотин-қизлар эса тикувчилик йўналишида икки ойлик касб-ҳунарга қайта ўқитиш курсларига йўналтирилди.  Ярмарка иштирокчилари ҳисобланган “Aёллар дафтари” рўйхатига киритилган хотин-қизларни тадбиркорлик фаолиятини бошлаб, даромад олишларига кўмаклашиш мақсадида AТ “Халқ банки” туман филиали томонидан уларнинг 6 нафари билан тегишли тартибда шартномалар тузилиб, жами 42 миллион сўмлик зарурий меҳнат ашёлари олишлари учун имтиёзли кредитлар ажратилди. Тадбир давомида ҳоким ёрдамчилари тавсиясига асосан 3 нафар аёлларга субсидия асосида замонавий тикув машиналари ҳам бепул топширилди.

Шунингдек, 20 нафардан зиёд фуқаролар меҳнат қонунчилиги, тадбиркорлик ва ўзини-ўзи банд қилиш йўналишлари ўзларини қизиқтирган масалалар бўйича соҳа мутахассисларидан ҳуқуқий маслаҳатлар олишди.